ఆరోగ్య సమాచారం ఇచట లభించును

మీకు ఇంటర్నెట్‌లో ఏదైనా సమాచారం కావాలంటే వెంటనే 'గూగుల్‌'ను ఆశ్రయిస్తారు కదూ! ఆరోగ్య సంబంధిత ప్రశ్నలకు సైతం ఇదే మార్గమున్నా, ఆయా రంగాలకు ఇప్పుడు అందుబాటులోకి వచ్చిన ప్రత్యేక వెబ్‌సైట్లు విస్తృత సమాచారాన్ని అందిస్తున్నాయి. ఇలాటి వాటిలో ఒకటి www.healthline.com కేవలం ఆరోగ్యానికి సంబంధించిన ఎలాంటి ప్రశ్నలకైనా ఈ సైట్‌ ద్వారా సమాధానం దొరుకుతుంది. కిందటేడాది ఈ సైట్‌ను సందర్శించిన వారి సంఖ్య ఏడింతలై 25 లక్షలకు చేరడాన్ని గమనిస్తే ఈ సైట్‌కు లభిస్తున్న ఆదరణను అర్థం చేసుకోవచ్చు. ఫిజీషియన్ల సహకారంతో ఏర్పాటైన ఈ సైట్‌ను ప్రత్యేక వైద్య నిపుణుల బృందం పర్యవేక్షిస్తూ ఉంటుంది. 10 లక్షలకు పైగా వైద్య రంగ పదజాలం, సామాన్య జనబాహుళ్యానికి సైతం అర్థమయ్యే రీతిలో వివరణలు, 70000కు పైగా వివిధ వివిధ రోగాలు, చికిత్సల వివరాలు, ఇతరత్రా ఆరోగ్య సమాచారం... ఈ సైట్‌ ప్రత్యేకతలు.
(Eenadu,16:09:2007)
------------------------------------------