అంతర్జాలంలో (ఇంటర్నెట్‌) తెలుగు

- నల్లమోతు శ్రీధర్
sridharcera@gmail.com


ఇంటర్నెట్‌ - అంతర్జాలం
యూజర్‌నేమ్‌ - సభ్యనామం
పాస్‌వర్డ్‌ - సంకేతపదం
లాగిన్‌ - లోనికి ప్రవేశించండి
రిజిస్టర్‌- ఖాతాని సృష్టించుకోండి

ఏంటివీ అనుకుంటున్నారా? తేనెలూరే మన తెలుగు భాషకు ప్రాచీన హోదా వచ్చిన తరుణంలో ఆన్‌లైన్‌లోనూ తెలుగోడు తలెత్తుకుని తిరిగేలా ఆన్‌లైన్‌ పదాలకిచ్చిన అచ్చ తెలుగు పదజాలం. ఇంటర్నెట్‌, కంప్యూటర్ల వినియోగంలో మన భాషను పూర్తిస్థాయిలో అందుబాటులోకి తీసుకురావాలనే లక్ష్యంతో ఓ ఉద్యమం ఊపిరి పోసుకుంది. అదే e-తెలుగు స్వచ్ఛంద సంస్థ. రెండేళ్లుగా అంతర్జాలంలో (ఇంటర్నెట్‌) తెలుగు వ్యాప్తికి కృషి చేస్తూ 2008, ఏప్రిల్‌ 24న అధికారికంగా రూపుదిద్దుకుంది. దేశవిదేశాల్లో 200ల మందికి పైగా సభ్యులు ఈ-తెలుగు వ్యాప్తికి పని చేస్తున్నారు.

అంతా మీ సేవకే...
ఎలాంటి సాఫ్ట్‌వేర్‌లు కొనుగోలు చేయాల్సిన అవసరం లేకుండా ఉచితంగానే మెయిల్స్‌, ఛాటింగ్‌, బ్లాగుల్లో తెలుగును టైప్‌ చేయడం, పీసీీ అప్లికేషన్లలోనూ తెలుగును వాడుకలోకి తేవడం... లాంటి విషయాలపై అవగాహన కల్పించడంతో పాటు అందుకు కావాల్సిన సాంకేతిక పరిజ్ఞానాన్ని కూడా ఈ సంస్థ అందిస్తోంది. కొన్ని స్వచ్ఛంద సంస్థలు, వివిధ ఉద్యోగ సంఘాల సమూహాలకు తెలుగు వాడకంపై శిక్షణనివ్వడం లాంటి కార్యకలాపాల్ని చేపడుతున్నారు. సాఫ్ట్‌వేర్‌ ఇంజనీర్లు, పత్రికా రంగంవారు, లాయర్లు, గృహిణులు... ఇలా ఎన్నో రంగాలకు చెందినవారు కేవలం మాతృభాషపై ఉన్న అభిమానంతో ఈ-తెలుగు అభివృద్ధికి చేయిచేయి కలిపి ముందుకొస్తున్నారు.

మీరూ భుజం కలపాలంటే
తెలుగు భాషపై మమకారంతో సహకారం అందించాలనుకునే వారెవ్వరైనా దీంట్లో భాగస్వాములు కావచ్చు. ఈ-తెలుగు కార్యకలాపాల్ని తెలుసుకోవాలనుకుంటే http://etelugu.org/help_center చూడవచ్చు. అదనపు సమాచారాన్ని పొందాలనుకుంటే president@etelugu.org మెయిల్‌ అడ్రస్‌కు మెయిల్‌ పంపవచ్చు.

తెలుగులోనే టైప్‌ చేద్దాం!
కేవలం నెట్‌లో మాత్రమే కాకుండా అన్ని అప్లికేషన్‌ సాఫ్ట్‌వేర్‌లలోనూ తెలుగును ఏ విధంగా పొందొచ్చో తెలియజేయడం ఈ-తెలుగు ప్రధాన లక్ష్యం. లేఖిని, బరహ, అక్షరమాల, ఇన్‌స్క్రిప్ట్‌ లాంటి ఉచిత టూల్స్‌ ద్వారా మెయిల్స్‌, ఛాటింగ్‌, బ్లాగులు, సోషల్‌ నెట్‌వర్కింగ్‌, ఆన్‌లైన్‌ ఫోరంలు, గ్రూపుల్లో ఫొనెటిక్‌ పద్ధతిలో (raamaa అని టైప్‌ చేస్తే రామా వచ్చే మాదిరిగా) తెలుగుని టైప్‌ చేయవచ్చు.
* లేఖినిలో టైప్‌ చేయాలంటే http://lekhini.org వెళ్లి, సైట్‌లో ఏర్పాటు చేసిన టేబుల్‌ ఆధారంగా తెలుగును టైప్‌ చేయవచ్చు. తర్వాత మీ సందేశాన్ని కాపీ చేసి ఎక్కడ కావాలనుకుంటే అక్కడ పేస్ట్‌ చేసుకోవచ్చు.
* బరహ కావాలనుకుంటే http://baraha.com/download/baraha70.exe డౌన్‌లోడ్‌ చేసుకుని ఇన్‌స్టాల్‌ చేయండి. దీంతో డెస్క్‌టాప్‌పై వచ్చిన Baraha Direct అనే లింక్‌పై క్లిక్‌ చేసి రన్‌ చేయండి. అప్పుడు సిస్టం ట్రేలో Kn అని చూపిస్తూ కన్నడ భాష డీఫాల్ట్‌గా సెలెక్ట్‌ అయి ఉంటుంది. రైట్‌ క్లిక్‌ చేసి Language-> Telugu-> Unicode ఎంచుకుని తెలుగులోకి మార్చండి. అంతే... వర్డ్‌, ఇంటర్నెట్‌ ఎక్స్‌ఫ్లోరర్‌, ఫైర్‌ఫాక్స్‌... లాంటి ఏ విండోస్‌ అప్లికేషన్‌లో అయినా ఫొనెటిక్‌ పద్ధతిలో తెలుగులో టైప్‌ చేయవచ్చు. ఆంగ్లం నుంచి తెలుగుకి, తెలుగు నుంచి ఆంగ్లంలోకి మారాలంటే ఫ్11 ఫంక్షన్‌ కీని ప్రెస్‌ చేస్తే సరిపోతుంది.
* ఇప్పటికే యాపిల్‌, మాడ్యులర్‌... లాంటి టైపింగ్‌ పద్ధతులకు అలవాటైన వారి కోసం ప్రత్యేక సెట్‌అప్‌ ఫైల్స్‌ ఇన్‌స్టాల్‌ చేసుకుంటే సరిపోతుంది. దీంతో ఎలాంటి ఇబ్బందీ లేకుండానే అలవాటైన కీబోర్డ్‌ ఫార్మెట్‌లోనే తెలుగును టక టక టైప్‌ చేసేయొచ్చు. అందుకోసం ముందుగా జిప్‌ ఫార్మట్‌లోని సెట్‌అప్‌ఫైల్స్‌ని డౌన్‌లోడ్‌ చేసుకుని అన్‌జిప్‌ చేయండి. వచ్చిన ఫోల్డర్‌లోని Setup.exe ఫైల్‌పై డబుల్‌ క్లిక్‌ చేసి Install the Keyboard layout ను ఎంచుకోండి. దీంతో యాపిల్‌ లేదా మాడ్యులర్‌ యునీకోడ్‌ లేఅవుట్‌ పూర్తవుతుంది. ఇప్పుడు సిస్టం ట్రేలోని Language Barలో En, Te అని రెండు ఆప్షన్లు వస్తాయి. తెలుగులో టైప్‌ చేయాలనుకుంటే Te ని, ఆంగ్లంలో టైప్‌ చేయాలనుకుంటే En ను టైప్‌ ఎంచుకోవాలి. ప్రతిసారీ ఇలా మౌస్‌తో భాషను మార్చుకోవడం ఇబ్బందనిపిస్తే Shift+Alt కలిపి ప్రెస్‌ చేయడం ద్వారా చేయవచ్చు.
* యాపిల్‌ సెట్‌అప్‌ ఫైల్‌ కోసం http://veeven.com/files/te_apple.zip, మాడ్యులర్‌ సెట్‌అప్‌ ఫైల్‌ కోసంhttp://veeven.com/files/te_mdir.zip చూడండి.

వికీపీడియాలో మీ వూరు
'పచ్చని పైరుటగాలి... పెద్ద చెరువు... పక్కనే వూరికి కాపలాగా నిలువెత్తు హనుమంతుడు... రాజరికం నాటి కోట...' ఇలా మీ వూరు ప్రత్యేకతను అచ్చ తెలుగులో అంతర్జాలంలో పొందుపరచాలని ఉందా? అయితే వెంటనే 'తెలుగు వికీపీడియా'లోకి దూకండి. ఇందుకోసం www.te.wikipedia.org సైట్‌లోకి వెళ్ళి 'మీ వూరు ఉందా?' లింక్‌పై క్లిక్‌ చేసి ఆయా జిల్లాల నుంచి వూరును ఎంచుకోండి. చివరగా మీ వూరుతో వచ్చిన విండోలో ఉన్న 'మార్చు'పై క్లిక్‌ చేసి సమాచారాన్ని పొందుపరచవచ్చు. ఇలా ఏ సమాచారాన్నయినా పొందుపరచవచ్చు.

మాతృభాషలోనే బ్లాగ్‌...
మనస్సులోని వూసులకు కమ్మని తెలుగు భాషలోనే అక్షర రూపాన్నిస్తూ అందరితో పంచుకునేలా Blogger, wordpress, లాంటి తెలుగు బ్లాగ్‌ సర్వీస్‌లు మనల్ని ఆహ్వానిస్తున్నాయి. వీటిల్లో ఎక్కువ మంది ఎంచుకునేది గూగుల్‌వారి బ్లాగర్‌ సర్వీస్‌. ఇప్పటికే మీరు జీమెయిల్‌ ఎకౌంట్‌ ఉన్నట్లయితే www.blogger.com వెళ్లి ఈ-మెయిల్‌ ఐడీ యూజర్‌నేమ్‌, పాస్‌వర్డ్‌తో సైన్‌ఇన్‌ అవ్వండి. వచ్చిన విండోలోని ((Create Your Blog Now)పై క్లిక్‌ చేసి వచ్చే విండోలో బ్లాగ్‌ టైటిల్‌, బ్లాగ్‌ అడ్రస్‌లను ఇవ్వండి. తర్వాత Continue బటన్‌ను ఎంచుకుని Choose a templete ద్వారా మీ బ్లాగ్‌కు ఒక రూపాన్ని ఏర్పాటు చేయవచ్చు. టెంప్లెట్‌ను ఎంచుకున్న తర్వాత కంటిన్యూపై క్లిక్‌ చేయగానే Your Blog has been Created... Start Blogging వస్తుంది. అంటే మీ బ్లాగ్‌ని రూపొందించే ప్రక్రియ పూర్తయ్యిందన్నమాట. ఇక పోస్టింగ్‌ల ద్వారా మీ మనసులోని బాసల్ని తెలుగు బ్లాగ్‌తో ప్రపంచానికి తెలియజేయవచ్చు.

ప్రస్థానం ఇలా...
'పద్మ' అనే పేరుతో ప్రత్యేక ట్రాన్స్‌లేషన్‌ టూల్‌ ద్వారా మొట్టమొదటిసారి తెలుగు అంతర్జాలంలో అడుగుపెట్టింది. అమెరికాలోని బోస్టన్‌ నగరంలో ఉంటున్న సమాచార సాంకేతిక నిపుణుడు వెన్నా నాగార్జున ఫొనొటిక్‌ పద్ధతిలో దీన్ని రూపొందించారు. డిసెంబర్‌ 9, 2003న సేచ్ఛా విజ్ఞాన సర్వస్వం 'తెలుగు వికీపీడియా'ని ప్రారంభించారు. మొత్తం 8,105 మంది సభ్యులు దీంట్లో రిజిస్టర్‌ అయ్యి 41,000 వ్యాసాలను పొందుపరిచి భారతీయ భాషల్లోనే తెలుగు వికీపీడియాను అగ్రస్థానంలో నిలిపారు. దీంట్లో 156 మంది సభ్యులు క్రియాశీలంగా పనిచేస్తున్నారు.

మరి తొలి తెలుగు బ్లాగ్‌ ఎప్పుడు మొదలైందో తెలుసా?
2004, మేలో 'కృష్ణదాస కవిరాజు' పేరిట చావా కిరణ్‌ తెలుగు బ్లాగును పరిచయం చేశారు. అప్పటి నుంచి తెలుగువారి ఆకర్షిస్తూ వీటి సంఖ్య సుమారు 1500లకు చేరింది.
____________________________________
సందేహాలకు ఇవీ దారులు!
కంప్యూటర్‌లో తెలుగు అక్షరాలు విడిపోయి కనిపించడం, తెలుగు ఎలా టైప్‌ చేయాలో తెలియకపోవడం లాంటి ప్రాధమిక సాంకేతిక మెళకువలకు ఎ-తెలుగు వెబ్‌సైట్‌లోని హెల్ప్‌సెంటర్‌ పేజీలో చూడొచ్చు. ఈ-తెలుగు కోసం http://etelugu.org, చాటింగ్‌ ద్వారా పరిష్కారాలకు http://computerera.co.in/chat, తెలుగు వికీపీడియాకిhttp://te.wikipedia.org, తెలుగు బ్లాగ్‌ కోసంhttp://groups.google.com/group/telugublog, బ్లాగుల కూడలికి http://koodali.org లను చూడండి.
______________________________________

(Eenadu, 22:01:2009)
_______________________________________

మెదడు హార్డ్‌వేర్‌కు నమ్మకమే సాఫ్ట్‌వేర్‌!

సత్య
ఎక్కువ మార్కులు రావాలంటే శక్తినిచ్చే నమ్మకాలను దరిచేర్చుకోవాలి. ప్రతి విద్యార్థీ 'నేను తెలివైన వాణ్ని. నాకు మంచి మార్కులు వస్తాయి. చదువు ఆటలాంటిది' వంటి నమ్మకాలు ఏర్పరచుకోవాలి. సామాన్య విద్యార్థి కూడా విజేతగా మారటానికి ఇదెంతో ఉపకరిస్తుంది! మనిషి జీవితానికి నమ్మకం చాలా ప్రధానమైనది. 'కంప్యూటర్‌' పని చేయడానికి 'ఆపరేటింగ్‌ సిస్టం' ఎంత ప్రధానమైందో, మనిషి మెదడు అనే కంప్యూటర్‌ పనిచేయడానికి నమ్మకాల వ్యవస్థ అంత ప్రధానం. మనిషి 'మెదడు' అనే హార్డ్‌వేర్‌ పనిచేయడానికి 'నమ్మకం' అనే సాఫ్ట్‌వేర్‌ కావాలి.

విద్యార్థి మార్కులకూ, అతని నమ్మకాలకూ సంబంధం ఉంటుందా అని కొందరికి సందేహం రావొచ్చు. విద్యార్థి మార్కులనే కాదు, అతని జీవితాన్ని సైతం మార్చేయగల శక్తి నమ్మకాలకుంది.

ఓ నమ్మకం అందలమైనా ఎక్కిస్తుంది. అగాధానికైనా తోసేస్తుంది. అది స్వర్గానికి నిచ్చెనలేస్తుంది. నరకానికి లాకులు తీస్తుంది. నమ్మకానికున్న అనంతశక్తిని చూసే 'అది దేనినైనా సృష్టించగలదు; దేనినైనా నిర్జించగలదు' అంటాడు వ్యక్తిత్వ వికాస నిపుణుడు ఏంథోని రాబిన్స్‌.

బలమైన నమ్మకమున్న విద్యార్థి మనసు- ఆ నమ్మకాన్ని నిజం చేయడానికి దారులు వెదుకుతుంది. తన శక్తినంతా కేంద్రీకరించి మంచి ఫలితాలు సాధించడానికి వ్యూహాలు పన్నుతుంది. సరైన నమ్మకం లేని విద్యార్థి మెదడు మొద్దుబారిపోతుంది. తన ముందున్న దారులను మూసేస్తుంది. ఫలితంగా ఏదీ సాధ్యం కాకుండాపోతుంది.

'విజయ-విఫల' వృత్తం
* ఓ పనిలో విజయం సాధించడానికైనా, విఫలం కావడానికైనా నమ్మకమే ప్రధానం.
* ఆ నమ్మకానికి అనుగుణంగానే ఏ వ్యక్తి అయినా చర్య (action) తీసుకుంటాడు.
* చర్య తీసుకున్నపుడే అతని శక్తి అంతా వినియోగానికి వస్తుంది.
* శక్తి వినియోగమైనప్పుడే ఫలితం వస్తుంది.
ఆ ఫలితమే నమ్మకాన్ని మరింత బలపడేట్టు చేస్తుంది. వృత్తాకారంలో అనునిత్యం అది పరిభ్రమిస్తూ ఉంటుంది.

విజయ వృత్తం (Circle of success)
విద్యార్థి మార్కుల దృష్ట్యా దీనికి ఓ దృష్టాంతాన్ని చూద్దాం. 'నేను తెలివైనవాణ్ని.' 'నాకు ర్యాంకు వస్తుంది'. 'చదువు ఆటలాంటిది'. ఇలాంటి సానుకూల నమ్మకాలు ఉండే విద్యార్థి ఎలాంటి చర్యలు తీసుకుంటాడు?

తప్పనిసరిగా ఎక్కువ మార్కులు రావాలని ఓ లక్ష్యాన్ని పెట్టుకుంటాడు. చదువు ఆటలాంటిది కాబట్టి ఇష్టపడి చదువుతాడు. కాలాన్ని సద్వినియోగం చేసుకుంటాడు. ఎక్కువ గంటలు పనిచేస్తాడు. ఇలాంటి చర్యలు తీసుకోవడం వల్ల ఆ విద్యార్థి తన శక్తి సామర్థ్యాల్లో 90 శాతానికి మించి ఉపయోగించుకుంటాడు. ఫలితంగా అతడు లక్ష్యంగా నిర్దేశించుకున్న మార్కులు వస్తాయి. లేదా దానికి దగ్గర మార్కులు వస్తాయి.

దీనివల్ల ఆ విద్యార్థికి ఉండే 'నేను తెలివైనవాణ్ని, నాకు ర్యాంకు వస్తుంది, చదువు ఆటలాంటిది' లాంటి నమ్మకాలు మరింత బలపడతాయి. భవిష్యత్తులో విజయం సాధించడానికి మరింత ఉపకరిస్తాయి. ఇదే విజయ వృత్తం/సాఫల్య వృత్తం. సామాన్య విద్యార్థులు కూడా విజేతగా మారటానికి కారణం- వారికుండే బలమైన నమ్మకమే.

దీన్ని ఈ చిత్రంలో చూడవచ్చు.

వైఫల్య వృత్తం (Circle of failure)
అదే విద్యార్థికి ప్రతికూల నమ్మకాలు ఉన్నాయనుకుందాం. 'నేను మందబుద్ధిని. ఎంత చదివినా బుర్రకెక్కదు. చదువంటే బోరు. అది చాలా కష్టం' లాంటి నమ్మకాలు బుర్రలో తిష్ఠ వేసే అతని పరిస్థితి ఎలా ఉంటుంది? ఆ కుర్రాడు చదవడానికి ప్రయత్నిస్తాడా?

చదువనగానే పుస్తకాన్ని పక్కన పారేస్తాడు. కాలాన్ని కంప్యూటర్‌ క్రీడలకో, సెల్‌ఫోన్‌ చాటింగ్‌కో, టీవీలో చెత్త ప్రోగ్రాములకో వినియోగిస్తాడు. చదవడం ఇష్టం లేని కుర్రాడి మెదడు ఎంత శక్తిని వినియోగించుకుంటుంది? బహుశా సున్నా శాతాన్ని. ఫలితం- సున్నా మార్కులు లేదా అత్తెసరు మార్కులు.

ఆ మార్కులు వచ్చిన విద్యార్థికి ఏమనిపిస్తుంది?- ''నే చెప్పలే! మనకి చదువు అచ్చిరాదు. అది మన ఒంటికి సరిపడదు. అదో పెద్ద బోరు''. ఈ నమ్మకాలు బలపడ్డ విద్యార్థి ఏం చేయగలడు? ఇంకేం మార్కులు తెచ్చుకోగలడు? ఇదే వైఫల్య వృత్తం. విఫలమయ్యే విద్యార్థి మరింత విఫలుడు కావడానికి కారణం అతనిలో తాను సఫలుణ్ని కాలేననే నమ్మకాలే.

దాన్ని ఈ చిత్రంలో చూడవచ్చు.

మరేం చేయాలి?
ఎక్కువ మార్కులు రావాలంటే ప్రతి విద్యార్థీ వైఫల్య వృత్తం నుంచి బయటపడాలి. అలా బయటపడాలంటే ముందు తనలోని నిర్వీర్య నమ్మకాలను తొలగించుకోవాలి. శక్తినిచ్చే నమ్మకాలను దరిచేర్చుకోవాలి. నమ్మకాల్లో మార్పు వస్తే జీవితంలో కూడా మార్పు వస్తుంది. అందువల్ల ప్రతి విద్యార్థీ 'నేను తెలివైన వాణ్ని. నాకు మంచి మార్కులు వస్తాయి. చదువు ఆటలాంటిది' వంటి శక్తినిచ్చే నమ్మకాలు కలిగివుండాలి. ఆ నమ్మకాలే విద్యార్థి జీవితాన్ని మార్చే సంజీవని లాంటివి.

నిర్వీర్య నమ్మకాలను ఎవరూ కావాలని కోరుకోరు. మనకు తెలియకుండానే మన పరిసరాల నుంచీ, మన అనుభవాల నుంచీ, మన విద్యావ్యవస్థ నుంచీ ఈ నమ్మకాలు చొరబడతాయి. క్రమేపీ వేళ్ళు దన్ని వూడలు దింపి మర్రిమానుల్లా ఎదిగిపోతాయి. అందుకే వేగవంతమైన విద్యార్జన (Accelerated Learning)కు ఆద్యుడైన జార్జ్‌ లొజనెవ్‌ ''పుట్టినప్పుడు అంతా మేధావులే. పెరుగుతున్నకొద్దీ ఆ మేధ తరిగిపోతుంది'' అంటాడు.

చిన్నప్పుడు 'నువ్వో పనికిమాలినవాడివి, బుద్ధిహీనుడివి, బుర్ర తక్కువవాడివి' లాంటి బిరుదులు తగిలిస్తారు. వీటిని మన అచేతన మనసు గ్రహించి అలాగే మనల్ని మార్చేస్తూ ఉంటుంది. వాటినే మనం నమ్ముతాం; అలాగే ప్రవర్తిస్తాం. ఆ విధంగానే మారతాం.

విద్యా విషయంలో కూడా తమలో ఏర్పడ్డ నమ్మకాలనే విద్యార్థులు నిజమని నమ్ముతారు. 'ఆల్‌జీబ్రా గుండె గాభరా', 'లెక్కలంటే లంకణాలు పడడం', 'ఇంగ్లిష్‌ అంటే గింగరాలు తిరగడం' 'బోటనీ బోరు బోరు' లాంటివి విద్యార్థులకు బయటినుంచి వచ్చే నమ్మకాలే. వీటన్నిటినీ మార్చుకుంటే తప్ప మన సబ్జెక్టుల మీద ఆసక్తి రాదు. ఆసక్తి లేకుంటే ఆశించే ఫలితాలు రావు. అందువల్ల నిర్వీర్యమైన నమ్మకాలను తుంగలో తొక్కి, శక్తినిచ్చే నమ్మకాలను అక్కున చేర్చుకోవాలి.

ఈ నమ్మకాలు శక్తినిస్తాయి!
విజేతలైన విద్యార్థులంతా శక్తినిచ్చే నమ్మకాలతో జీవిస్తారు. ఆ నమ్మకాలే ఉత్తమ ఫలితాలు రావటానికి ఉపకరిస్తాయి. అలాంటి విజేతలైన విద్యార్థులు పాటించే ఓ ఐదు శక్తిమంతమైన నమ్మకాలను మనవిగా చేసుకుని మననం చేసుకుందామా?

1. ఇతరులు చేయగలదాన్ని నేనూ చేయగలను (If others can do, so can I) :
ఒక వ్యక్తి చేయగలిగినదాన్ని ఎవరైనా చేయగలరు. ఒక మైలు దూరాన్ని నాలుగు నిమిషాల లోపు ఎవరూ పరుగెత్తలేరని శతాబ్దాల కాలం నుంచి ఉన్న నమ్మకాన్ని రోజర్‌ బేనిస్టర్‌ బద్దలు కొట్టాడు. రోజర్‌ చేసిన తర్వాత వందలకొద్దీ జనాలు తామూ చేయగలమని నిరూపించారు.

2. వైఫల్యం లేనేలేదు, అది కేవలం సంకేతమే (There is no failure, only feedback) :

విజయం రాకపోతే అది వైఫల్యంగా భావిస్తారు సగటు వ్యక్తులు. విజయం రాకపోతే తమ ప్రయత్నం స్థాయిని తెలియజేసే సంకేతంగా భావిస్తారు విజేతలు. థామస్‌ ఎడిసన్‌, బిల్‌గేట్స్‌లు తమ వైఫల్యాలను విద్య నేర్పే అనుభవాలు (Learning experiences) గా అభివర్ణించారు.

3. చదువనేది ఓ ఆట (Learning is fun):
ఏది సాధించాలన్నా, ముందు దాన్ని ప్రేమించాలి. ప్రతి వ్యక్తీ ఆటల్ని ప్రేమిస్తాడు కాబట్టే ఆటలంటే చెవి కోసుకుంటాడు. చదువును ప్రేమించే విద్యార్థి దాన్ని ఆటలానే తీసుకుంటాడు. ఉత్తమ ఫలితాలు సాధిస్తాడు.

4. నా జీవిత గమనానికి నేనే బాధ్యుణ్ని (I am responsible for my destiny) :
విద్యారంగంలో విప్లవాన్ని సృష్టించిన మార్వా కొలీన్స్‌ ప్రారంభించిన పాఠశాలలో ఓ ఆరేళ్ళ విద్యార్థి తల్‌మాగ్డే. 'నువ్వేం నేర్చుకున్నా'వని అడిగితే ఆ విద్యార్థి చెప్పిన మాట- 'నీ గురించి సమాజం ఏమైనా అనుకోనీ. కానీ నీ గమ్యాన్ని నిర్దేశించుకోవాల్సింది కేవలం నువ్వే'. ఆ చిన్నపిల్లాడి మాట కోటి మార్కుల మూట.

5. నేను తెలివైనవాణ్ణి. చురుకైనవాణ్ణి:
'నేను తెలివైనవాణ్ణి, చురుకైనవాణ్ణి, అవిశ్రాంత శ్రామికుణ్ణి. నాకు ఎక్కువ మార్కులు వచ్చి తీరతాయి' అనే నమ్మకాలు విజేతలైన విద్యార్థుల్లో కనిపిస్తాయి.
ఇలాంటి ఓ అయిదు నమ్మకాలు మీ ఆపరేటింగ్‌ సిస్టమ్‌లో ఉంటే పరీక్షల్లోనే కాదు, బతుకుబాటలో కూడా మార్కులన్నీ మీవే!

__________________________________________________________

'ఆల్‌జీబ్రా గుండె గాభరా', 'లెక్కలంటే లంకణాలు పడడం', 'బోటనీ బోరు బోరు' లాంటివి విద్యార్థులకు బయటినుంచి వచ్చే నమ్మకాలే. వీటన్నిటినీ మార్చుకుంటే తప్ప ఆ సబ్జెక్టుల మీద ఆసక్తి రాదు. ఆసక్తి లేకుంటే ఆశించే ఫలితాలు రావు.

---

చిన్నప్పుడు 'నువ్వో పనికిమాలినవాడివి, బుద్ధిహీనుడివి, బుర్ర తక్కువవాడివి' లాంటి బిరుదులు తగిలిస్తారు. వీటిని మన అచేతన మనసు గ్రహించి అలాగే మనల్ని మార్చేస్తూ ఉంటుంది. వాటినే మనం నమ్ముతాం; అలాగే ప్రవర్తిస్తాం. ఆ విధంగానే మారతాం.
_____________________________________________________
(Eenadu, chaduvu, 19:01:2009)
_________________________________________________

శ్రీ విశ్వనాథ సత్యనారాయణ

CBRaoగారు శ్రీ విశ్వనాథ సత్యనారాయణ గారి పైఓ మంచి చర్చకు వారి బ్లాగుదీప్తి ధార ను వేదిక చేసి, ఇన్నయ్య, విశ్వనాథ, కొత్త సత్యనారాయణ చౌదరి, కవి రాజు , జాషువా మొ//వారల గురించి మంచి సమాచారం రాబట్టారు/ ఇచ్చారు కూడా.

నేను మాటి మాటికీ చదివే తెలుగు పుస్తకాలలో ఒకటి,విశ్వనాథవారి వ్యాఖ్యాన సహిత పద్య సంకలనం- "సాహిత్య సురభి" [1986, S.A.S & Co, Hyderabad].
దీనిని గురించి విశ్వనాథవారి మాటలలోనే:
".....................ఇవి సుమారు 300 పద్యములు. యిందులో నెక్కువ పద్యములు పూర్వము దేశములో వేలమందికి కంఠగతములై యుండెడివి. నా చిన్నప్పుడు నే నెరుగుదును.
కొన్ని పద్యములు ధర్మమును చెప్పును. కొన్ని సామాన్యార్థమును చెప్పును. కొన్నింటిలో లోతైన వేదాంతార్థములుండును. కొన్నింటిలో శాస్త్రార్థమూండును. కొన్నిటిలో సాహిత్యపు లోతులుండును. ఇవి రకరకాలైన పద్యములు.
ఈ మూడువందల పద్యములు మాటి మాటికి చదువుచున్నచో వ్రాసిన వ్యాఖ్యానములు తెలిసికొన్నచో ప్రతివాడును సామాన్యమైన ఆంధ్రభాషావేత్తయగును......అతడు కవుల కవిత్వమును విని కావ్యములు చదివి తనకు తెలియలేదన్న దుస్స్థితిలో నుండడు......................"
_______________________________________

Leverage success with a SWOT analysis

It is always said that we need to concentrate on the right priorities to achieve success. But most of us are at a total loss when it comes to what exactly to focus on!

An effective framework for visioning, developing and confirming your goals is through a SWOT analysis – an acronym for Strengths, Weaknesses, Opportunities and Threats.

Carrying out a SWOT analysis involves identifying internal strengths and weaknesses as well as examining external opportunities and threats, and then seeing how they relate to each other. This interesting insight alerts you to your weaknesses so that no threat can catch you unawares any longer.

With little thought, you can understand your strengths and uncover the greatest opportunities, that you are well placed to take advantage of and thus achieve your goals. Thereby, it enables proactive thinking, rather than relying on habitual or instinctive reactions

SWOT analysis is a flexible concept that can be used in various scenarios from assessing projects or business ventures, making decisions, solving problems, evaluating candidates for a position to marketing strategy formulation. It also shows it efficacy as a valuable career-planning tool.

Therefore, in a business context, organisations can analyse strategic propositions and match their resources and capabilities to the competitive environment in which they operate. Gaining a better understanding of how to relate to the external situation will also enable them to carve a sustainable niche in the market.

And, when used to map a personal profile, it ensures that people are working as effectively as possible and develop their careers in a way that takes the best advantage of their talents, abilities and opportunities.

Here’s how to take an inventory of the four components:

Strengths

These are the internal attributes that add value and give you a competitive edge over others (be it companies or colleagues). So, take an objective look at:

• What do you do well?

• What is your USP?

• What advantages you have over others?

• What relevant resources you have access to?

The tangible and intangible assets, skills or resources can range from track record, specialist expertise, good communication, creativity or ability to quickly respond to change in the individual context to strong market share, organisational structure, quality equipments, loyal customers or innovative products in the broader segment. One distinguishing feature for identifying these positive aspects is that they are always useful in achieving objectives.

Weaknesses

Its time for a reality check, be realistic and focus on the harmful gaps in your capabilities. Though these factors may detract from your abilities, they are well within your control. Think in terms of:

• What are you doing badly?

• What should you improve?

• What should you avoid?

Examine them from your own point of view as well as what others see as your weaknesses.

The unpleasant truths may include but are not limited to shallow skills, inability to achieve results, lack of experience, inferior service, damaged company reputation or poor business location.

Opportunities

Analyse external attractive factors facing you like positive market trends and try to uncover greater potential.

Even studying your strengths or looking to eliminate weaknesses can open up a window of new opportunities. They may comprise an expanding job, new markets and other prospects for further development.

Threats

Threats are external obstacles in your path that are largely beyond your control. They are characterised by unfavourable trends like downsizing, obsolescence, price wars, competitors with superior skills/products, shifts in consumer tastes and changing technology. Yet, what constitutes opportunities and threats is largely subjective, as a situation like ‘an unfulfilled consumer need’ can be an opportunity for a company that can meet that need while a threat to those that cannot!

On the whole, a formal SWOT analysis not only increases your awareness of the unique situation you or your firm is in (both in terms of pointing out what needs to be done and in putting problems into perspective). But it will also provide you a roadmap to maintain, build and leverage your strengths as well as deter or eliminate weaknesses so as to pursue, exploit and capitalise on the opportunities even while avoiding, countering or at least defending against potentially devastating threats.

In the words of a top consultant, “It gives a comprehensive concept of internal and external factors and how to creatively and innovatively develop a strategy that is directional, cost-effective and of course executable.’

Individuals can reflect on their own SWOT to find a job that suits their strengths and where weaknesses can be minimised or even overcome, whereas companies can easily identify a fit between their strengths and the upcoming opportunities. This helps them to distinguish where they are today and where they can go in the future.

Therefore, this is an encouragement to still do better and an important step in finding career/company direction!

PAYAL CHANANIA

faqs@cnkonline.com

(tHE hINDU, oPPORTUNITIES, 07:01:2009)
_________________________________________

ఏకలవ్యు డెవరో తెలుసా?

ఏకలవ్యుడు, కృష్ణుడికి సాక్షాత్తు మేనత్త కుమారుడు.

వసుదేవునికి ఐదుగురు చెల్లెళ్ళున్నారు. వారిలో పెద్దది కుంతి. పెద్ద మేనత్త కిచ్చిన వాగ్దానం కోసం కృష్ణుడు మిగతా నలుగురు మేనత్తల కొడుకులనూ పని కట్టుకుని చంపాడు.

శృతదేవ అనే మేనత్త కొడుకు దంతవక్తృడు.
శృతకీర్తి కుమారులు కేకయరాజపుత్రులు.
శృతశ్రవన కుమారుడే శిశుపాలుడు.
రాజాధిదేవి కుమారుడు ఏకలవ్యుడు........ ...........................

సంస్కృత భారత, హరివంశాలలో, పై చెప్పిన ప్రతి అంశం దొరుకుతుంది.
(తెలుగులో ఎర్రాప్రగడగారు అనువదించిన హరివంశంలో కొన్ని కొన్ని వివరాలే ఉన్నాయి.)

[పుట:52, "ఆరుద్ర సినీ మిని కబుర్లు", క్రియేటివ్ లింక్స్ పబ్లికేషన్స్, హైదరాబాద్44]
__________________________________________